News‎ > ‎

Election 2015

posted Aug 11, 2015, 3:41 AM by Myanmar Signis   [ updated Aug 11, 2015, 3:42 AM ]

နိုင်ငံတော်ရွေးကောက်ပွဲအတွက်ဘာသာဝင်သားသမီးအပေါင်းအားရဟန်းအမတ်ကာဒီနယ်ချားလ်စ်ဘို၏နှိုးဆော်လွှာ

ညီအစ်ကိုမောင်နှမသားသမီးအပေါင်းတို့

မြန်မာနိုင်ငံအတွင်းပြောင်းလဲဖြစ်ပေါ်နေသောအလွန်အရေးကြီးသည့်နိုင်ငံရေးအကူးအပြောင်းကာလတစ်ခုကိုအားလုံးသတိထားမိကြလိမ့်မည်ဟုဆရာတော်အလေးအနက်ယုံကြည်ပါသည်။ စစ်အာဏာရှင်တို့၏ အုပ်ချုပ်မှုအောက်တွင် နှစ်ပေါင်း (၅၀)ကျော် ခါးသီးစွာ ရှင်သန်နေထိုင်လာခဲ့ကြပြီး ယခုအခါ ပါတီစုံဒီမိုကရေစီစနစ်ကို စတင်ကျင့်သုံးနေကြသည့် ကာလတစ်ခု ဖြစ်ပါသည်။ ဤကဲ့သို့ကူးပြောင်းနိုင်ရန် အသက်ပေါင်းများစွာနှင့် ဘဝပေါင်းများစွာ ရင်းနှီးစတေးခဲ့ကြ ရသည်ကိုလည်းကျွန်ုပ်တို့အသိပင်ဖြစ်ကြောင်းဖြည့်စွက်ပြော ကြား ပါသည်။

ဤကဲ့သို့အရင်းအနှီးကြီးမားစွာပေးဆပ်ပြီးမှ ရယူခဲ့ကြရသည့် အရာဖြစ်၍ သတိကြီးစွာဖြင့် ဝိုင်းဝန်းထိန်းသိမ်းကြရန် လိုအပ်သကဲ့သို့ ပီပီပြင်ပြင် ဖြစ်ပေါ်ထွန်းကားလာရေး အတွက်လည်း အားတက်သရော ကြိုးစားလုပ်ဆောင်ကြရန် အရေးတကြီး လိုအပ်နေဆဲဖြစ်ကြောင်း အသိပေးချင်ပါသည်။

အထူးသဖြင့်နိုဝင်ဘာလ(၈)ရက်၂၀၁၅ခုနှစ်တွင်ကျင်းပမည့်ရွေးကောက်ပွဲသည် နိုင်ငံတော်အတွက်လည်းကောင်း  မြန်မာနိုင်ငံရေးအတွက်လည်းကောင်း အလွန်အရေးပါသော အချိုးအကွေ့တစ်ခု ဖြစ်လာမည်ဟု နိုင်ငံရေးအသိပညာရှင်များ၊ အတတ်ပညာရှင်များက သုံးသပ်ထားကြသည်ကို သားသမီးများအသိပင်ဖြစ်သည်။

မြန်မာနိုင်ငံလုံးဆိုင်ရာကက်သလစ်ဆရာတော်ကြီးများအဖွဲ့ချုပ်၏လမ်းညွှန်ချက်
၂၀၁၅ခုနှစ်ဇွန်လ(၉)ရက်မှ(၁၂)ရက်အထိ ကျင်းပခဲ့သောဆရာတော်ကြီးများ၏အစည်းအဝေးတွင်ရွေးကောက်ပွဲနှင့်စပ်လျဉ်း၍ဘာသာသူသားသမီးများအား ကူညီလမ်းညွှန်ပေးရန် အစီအစဉ်များ ချမှတ်ခဲ့သည်။ မြန်မာပြည်နိုင်ငံရေးသည်အလွန်အရေးပါ သောလမ်းဆုံတစ်ခုတွင် ရောက်နေသည်မှန်သော်လည်းလူများအနေနှင့်  နိုင်ငံရေးနှင့်ပက်သက်၍ မျှော်လင့်ချက်မဲ့ ယုံကြည်ခြင်းကင်းမဲ့နေကြသည်ဟုသုံးသပ်မိကြသည်။ထို့ကြောင့်ဆန္ဒမဲပေးခြင်းကိုအောင်မြင်စွာကျင်းပနိုင်ရန်နှင့်တိုင်းပြည်အားအမှန်တကယ်ဦးဆောင်နိုင်မည့် ခေါင်းဆောင်တစ်ဦး ပေါ်ထွက်လာရေးအတွက် ဆုတောင်းကြရန် တိုက်တွန်း နှိုးဆော် ခြင်းများ ပြုလုပ်ကြမည်။

ဘာသာရေးခေါင်းဆောင်များအနေနှင့် ဘာသာဝင်များအား သူတို့၏မဲပေးပိုင်ခွင့်ကို မှန်မှန်ကန်ကန် အသုံးချတတ်ကြရန် အသိပညာေ ပးခြင်းများကိုလုပ်ဆောင်ကြရမည်။ ဆန္ဒမဲတစ်ပြားတိုင်းသည် အလွန်အရေးပါပြီး တန်ဘိုးရှိကြောင်း၊ ထိုက်တန် သူများကိုသာ ရွေးချယ်ရန် လိုအပ်ကြောင်းအသိပေးမည့်အဖွဲ့တစ်ဖွဲ့ကိုလည်းဖွဲ့စည်းပေးသင့်သည်ဟုမှတ်ချက်ပြုခဲ့ကြသည်။
ရွေးကောက်ပွဲမတိုင်မီသုံးလအလိုမှစ၍အစာရှောင်ဝါရှောင်ခြင်းများ၊အဆက်မပြတ်ကိုယ်တော်မြတ်ဖူးမျှော်ခြင်းများပြုလုပ်ကာဆုတောင်းကြရန်လည်းကက်သလစ်ဆရာတော်ကြီးများအဖွဲ့ချုပ်မှနှိုးဆော်ထားပါသည်။

လူတိုင်းပါဝင်မှုသည်အဓိကဒီမိုကရေစီအုပ်ချုပ်ရေးစနစ်သည်ပြီးပြည့်စုံသည့် အကောင်းဆုံး စနစ်တစ်ခုဟုမဆိုနိုင်သော်လည်း မျက်မှောက်ခေတ်ကာလတွင်မူနိုင်ငံတော်များများအဖို့အသင့်တော်ဆုံးစနစ်ဟုဆိုနိုင်မည်ဖြစ်သည်။အထူးသဖြင့်နိုင်ငံရေးရာကိစ္စများတွင်မိမိတို့ကိုယ်တိုင်ပါဝင်ပတ်သက်ခွင့်၊ရွေးချယ်ခံနိုင်ခွင့်ရှိခြင်းသည်ပင်လျှင်တိုးတက်သောလက္ခဏာကိုဖော်ဆောင်နေပေ သည်။

သို့ရာတွင်ဒီမိုကရေစီဖြစ်စဉ်သည်လူတစ်ဦးစီတိုင်း၏တက်ကြွသော၊တာဝန်ယူတတ်သော၊ရက်ရောသောပါဝင်မှုမရှိပါက  ကောင်းကျိုးအသီးအပွင့်များကိုရယူခံစားနိုင်မည်မဟုတ်ပါ။ ထမ်းဆောင်ရမည့် တာဝန်မတူညီစေကာမူ နိုင်ငံသားတိုင်း တက်ညီ လက်ညီတာဝန်သိစွာ ပါဝင်လုပ်ဆောင်ကြရန်လို အပ်မည်ဖြစ်ပါသည်။

အမိအသင်းတော်အနေနှင့်လည်းအစဦးကပင် သားသမီးများအား နိုင်ငံသားတစ်ဦးအနေနှင့် လိုအပ်သည့် အခန်း ကဏ္ဍများတွင် တက်ကြွစွာပါဝင်ကြရန်၊အစဉ်နှိုးဆော်ခဲ့သည့်သာဓကများရှိခဲ့ပါသည်။ရဟန္တာဒုတိယမြောက်ယောဟန်ပေါလူးက“ကက်သလစ်ဘာသာဝင်များအနေနှင့်အများအကျိုးပြုနိုင်မည့် စီးပွားရေး၊ လူမှုရေး၊ ဥပဒေပြုရေးစသည့် လုပ်ငန်းစဉ် များဖြင့် ဆက်စပ်နေသောနိုင်ငံရေးကိုမျက်ကွယ်မပြုသင့်ပေ” ဟုသွန်သင်ခဲ့ပါသည်။ (Christifideles laici, ၄၂)
“မျက်မှောက်ခေတ်ကမ္ဘာသည်အမြဲမတည်၊ထာဝရတည်သောကျွန်ုပ်တို့၏နိုင်ငံသည်အထက်အရပ်တွင်သာရှိသည်ဟူသောလွဲမှားနေသည့်တစ်ယူသန်အတွေးအခေါ်များဖြင့်၊ မျက်မှောက်ခေတ်ကာလ၏ စိန်ခေါ်သံများနှင့် တာဝန်များကို လစ်လျူရှု နေခြင်းမှာအလွန်မှားယွင်းသည့်လုပ်ရပ်ဖြစ်ကြောင်းအသိပေးလိုပါသည်။
အမှန်တကယ်ကျွန်ုပ်တို့ယုံကြည်လက်ခံကြရန်မှာဤတာဝန်များသည်ကျွန်ုပ်တို့အား ခေါ်တော်မူခြင်းလမ်းစဉ်တစ်ခုအဖြစ်  ဆောင်ရွက်ရန်ပိုမိုစေခိုင်းခံနေရသည်ဟုသိရှိလက်ခံထားဖို့လိုသည် (Gaudiumet Spes, ၄၃; Christifidelis Laici, ၅၉)။  အထူးသဖြင့်နိုင်ငံရေးသည်လူ့အသိုင်းအဝိုင်း၏ ကိုယ်ကျင့်တရားရေးရာနှင့် ခွဲခြား၍မရအောင်ပင်၊ ပူးကပ်ယှဉ်တွဲလျှက်ရှိနေကြသည်ဖြစ်ရာဖြောင့်မတ်သောလူ့ဝန်းကျင်းအသိုင်းအဝိုင်းတည်ဆောက်နိုင်ရန်မှာ သင့်တော်မှန်ကန်သော နိုင်ငံရေးစနစ်နှင့် ဖြောင့်မတ်မှန်ကန်သောနိုင်ငံရေးသမားများရှိနေကြရန်အလွန်လိုအပ်သောအချက်ဖြစ်ပါသည်။

တာဝန်သိတတ်စွာမဲပေးခြင်း
ဒီမိုကရေစီအုပ်ချုပ်ရေးစနစ်တွင် ဆန္ဒမဲပေးခြင်းသည် အရေးအပါဆုံးဖြစ်ကြောင်း အားလုံးသိပြီးဖြစ်ကြမည်ဟု ဆရာတော် ယုံကြည်ပါသည်။ မဲပေးခြင်းသည် နိုင်ငံသားတစ်ယောက်၏ အခြေခံရပိုင်ခွင့်ဖြစ်သကဲ့သို့ တာဝန်တစ်ခုလည်း ဖြစ်သည်။ ထိုသို့ဆန္ဒမဲပေးရာတွင် မိမိကြိုက်နှစ်သက်သည့် ပါတီကိုဖြစ်စေ၊ လူပုဂ္ဂိုလ်ကိုဖြစ်စေ၊ လွတ်လပ်စွာ ရွေးချယ်ပိုင်ခွင့်ရှိမည်။ ထိုသို့ရွေးချယ်ရာတွင် လူတိုင်းသည် မိမိဆန္ဒအရ လွတ်လပ်စွာရွေးချယ်ကြရမည်။ မိမိ၏ အသိအမြင်အရ၊ အသင့်တော်ဆုံး ဟု ခံယူထားသူအား ဆန္ဒမဲပေးရွေးချယ်ကြရန် တိုက်တွန်းလိုပါသည်။ မိမိဆန္ဒမဲပေးမည့်ပါတီနှင့် ပုဂ္ဂိုလ်မှာ မိမိတို့နိုင်ငံနှင့် နိုင်ငံသူ/နိုင်ငံသားများအားအမှန်တကယ်အကျိုးပြုမည့်သူများဖြစ်ရန်လိုပါသည်။ အဘယ်ကြောင့်ဆိုသော် မိမိမဲပေး ရွေးချယ် လိုက်သည့် ကိုယ်စားလှယ်သည် မိမိတို့တိုင်းသူပြည်သားများကိုယ်စား ဥပဒေပြုရေး၊ အုပ်ချုပ်ရေးနှင့် တရားစီရင်ရေး တို့ကို ဆောင်ရွက်မည်ဖြစ်သောကြောင့်ဖြ

စ်သည်။ထို့ကြောင့်မိမိရွေးချယ်တင်မြှောက်မည့်ပုဂ္ဂိုလ်သည်ထိုအရာများကိုမှန်ကန်မျှတစွာဆောင်ရွက်နိုင်ရန်အရည်အချင်းပြည့်ဝသူဖြစ်ကြောင်းအာမခံချက်ရှိဖို့လိုအပ်သည်။

လွတ်လပ်ခြင်းနှင့်မှန်ကန်ခြင်း
နိုင်ငံသားတစ်ဦးအနေနှင့် လွတ်လပ်စွာရွေးချယ်ပိုင်ခွင့်ရှိသည် မှန်သော်လည်း မှန်ကန်စွာရွေးချယ်ဆန္ဒမဲပေးကြရန်လည်း ဆရာတော်သတိပေးလိုပါသည်။ သားသမီးတို့အနေနှင့် မိမိ၏ဆန္ဒမဲတစ်ပြားအား တာဝန်ယူသောစိတ်၊ တာဝန်သိသော အမြင်ဖြင့် ရွေးချယ်ကြဖို့လိုပါသည်။ တာဝန်ယူခြင်းဆိုသည်မှာ မိမိအနေနှင့် လွတ်လပ်စွာ ရွေးချယ်လိုက်ခြင်းသည် တိုင်းပြည်နှင့် လူမျိုးအတွက် မှန်ကန်သည့် ရွေးချယ်မှုဖြစ်ရန် သတိထားကြရန်ဖြစ်ပါသည်။ သို့ဖြစ်ရာ သားသမီးတို့အနေနှင့် လက်ရှိဖြစ်ပျက်နေသော မိမိတို့နိုင်ငံ ၏နိုင်ငံရေးအခြေအနေများ၊နိုင်ငံရေးပါတီများ၏အခြေခံအကြောင်းအရာများကိုလေ့လာဆည်းပူးကြပြီး မှန်ကန်သောရွေးချယ်မှုကို ပြုလုပ်ကြရန်ဆရာတော် တိုက်တွန်းလိုပါသည်။

လွတ်လပ်ခြင်းနှင့်အမှန်တရားသည်ငွေဒင်္ဂါးတံဆိပ်ခေါင်းနှင့်ပန်းကဲ့သို့မည်သို့မျှခွဲခြားထား၍မရနိုင်သောအရာနှစ်ခုဖြစ်ပါသည်။ထို့ကြောင့်မိမိ၏လွတ်လပ်ခြင်းသည်အမှန်တရားနှင့်တွဲနေပါမှစစ်မှန်သောလွတ်လပ်ခြင်းဖြစ်ကြောင်းသားသမီးများအားသတိပေးလိုပါသည်။သို့ဖြစ်၍မိမိ၏လွတ်လပ်ခြင်းနှင့်အမှန်တရားကိုအသုံးချကာတာဝန်သိစိတ်ဖြင့်မဲဆန္ဒပေးကြရန်ဖြစ်ပါသည်။
သတိပြုရန်တချက်မှာ မိမိသည် မိမိ၏ လွတ်လပ်ခြင်းကို တန်ဘိုးထား သကဲ့သို့ သူတပါး၏ လွတ်လပ်ခြင်းကို လည်း လေးစားပေးရမည်။ အမြင်တူသောကြောင့် ရန်သူဖြစ်ရန်မလိုသကဲ့သို့ အမုန်းမပွါးရန်လည်း လိုအပ်ပါသည်။ အများဆန္ဒ ကောက်ယူသောအခါ သဘောတစ်ခုတည်း ရနိုင် မည်မဟုတ်ပါ။ လူတစ်ဦးချင်း၏ လွတ်လပ်မှုကို အပြန်အလှန် လေးစားပေးခြင်း ဖြင့်သာ ငြိမ်းချမ်း သာယာသော လူအဖွဲ့အစည်းတစ်ခု ထူထောင်နိုင်မည်ဖြစ်သည်။

ဘာသာရေးခေါင်းဆောင်ရဟန်းတော်များ၏ကဏ္ဍ
ရဟန်းဘုန်းတော်ကြီးများအနေနှင့် လူများအလယ်တွင် တရားမျှတမှုအပေါ်အခြေပြုသော ငြိမ်းချမ်းရေးနှင့် သယဇာတရှိရေး အတွက်အစွမ်းကုန်အစဉ် အမြဲကြိုးစားအားထုတ်ကြရမည် (ကာနွန်၂၈၇အပိုဒ်၁)။ နိုင်ငံရေးခံယူချက်များနှင့် နိုင်ငံရေး ပါတီများအား အကြောင်းပြု၍ ဘာသာသူအုပ်စုအတွင်းတွင်လည်းကောင်း၊ နိုင်ငံသူ/သားများအကြားတွင်လည်းကောင်း ပဠိပက္ခမဖြစ်စေရန် ထိန်းကျောင်း ပေးရမည်။ ဘာသာသူများအကြားတွင်မတူညီသောပါတီဝင်များရှိနိုင်သည်ကိုအထူး သတိပြုကြရန်သတိပေးလိုပါသည်။ ရဟန်းတစ်ပါးအနေနှင့် ပါတီနိုင်ငံရေး ကင်းရှင်းရမည်ဟူသော အသင်းတော်၏ လမ်းညွှန်မှုကိုလည်းလိုက်နာစေချင်ပါသည်(ကာနွန်၂၈၇အပိုဒ်၂)။
သို့သော် ဘာသာဝင်များအား လမ်းညွှန်ရန်ကျွန်ုပ်တို့၌ တာဝန်ရှိပါသည်။ အသင်းတော်၏ သွန်သင်ချက်များနှင့် ဆန့်ကျင်သော အယူအဆများ၊ လူတစ်ဦး၏ ဂုဏ်သိက္ခာကို ထိခိုက်နစ်နာစေသော နိုင်ငံရေးဝါဒအယူအဆများမှ ဘာသာသူများအားကာကွယ်ပေးရမည်။ မဲထည့်ရာတွင်လည်း မှန်ကန်စွာရွေးချယ်နိုင်ရန်အတွက် သူတို့၏ လွတ်လပ်မှုကို မထိခိုက်စေဘဲလမ်းညွှန်ပေးရန်တာဝန်ရှိကြောင်းဆရာတော်အနေနှင့်သိုးထိန်းတာဝန်ကိုရဟန်းတော်များအားသတိပေးလိုပါသည်။

ဘုရားရှင်ထံအပ်နှံထားကြပါစို့
အစစအရာရာ၌အုပ်ချုပ်ခြင်းအာဏာအားလုံး၏အရင်းအမြစ်ဖြစ်သော (ရောမ၁၃း၁)ဘုရားရှင်ကိုအားကိုးရန် အထူးလိုအပ် ပါသည်။ သမိုင်း၏ အရှင်သခင်ဖြစ်သော ထာဝရဘုရားရှင်သည် ကျွန်ုပ်တို့အား အစဉ်အမြဲကာကွယ် စောင့်ရှောက် လျက်ရှိနေသည်ကိုခိုင်မာစွာယုံကြည်ကြပါစို့။ အနှောင့်အယှက်အတားအဆီးများ၊ ပဠိပက္ခများကင်းရှင်းစွာဖြင့်ရွေးချယ် တင်မြှောက်ပွဲအောင်မြင်စွာ ကျင်းပပြုလုပ်ပြီးဆုံးရန်အတွက် ဆုတောင်းကြရန် လိုအပ်မည်ဖြစ်ပါသည်။ ဆရာတော်အနေနှင့် အကြံပြုလိုသည်မှာတစ်ဦးချင်းဆုတောင်းသကဲ့သို့ သာသနာအုပ်စုအလိုက် ကိုယ်တော်မြတ်ဖူးမျှော်ခြင်းဖြင့်လည်းကောင်း၊ စိတ်ပုတီးစိတ်ခြင်းအားဖြင့်လည်းကောင်း၊ အခြားနည်းလမ်းများစွာဖြင့် ဆုတောင်းခြင်းများ ပြုလုပ်ကြရန် အထူးမှာကြား လိုပါသည်။

အချုပ်အားဖြင့်မြန်မာနိုင်ငံတွင် စစ်မှန်သော ဒီမိုကရေစီအုပ်ချုပ်ရေးစနစ် အမှန်တကယ်ထွန်းကားလာစေရန် ၂၀၁၅ခုနှစ်၊ နိုဝင်ဘာလ (၈) ရက်နေ့တွင် ကျင်းပပြုလုပ်မည့် ရွေးချယ်တင်မြှောက်ပွဲတွင် တာဝန်ယူသော စိတ်အပြည့်ဖြင့် အင်တိုက်အားတိုက် ပါဝင်ကြပါရန် အလေးအနက် တိုက်တွန်းလိုက်ပါသည်။

ဘုရားသခင်၏ချစ်ခြင်းမေတ္တာ၌သားသမီးများအားလုံး ပျော်ရွှင်ငြိမ်းချမ်းကြ ပါစေ။

ကာဒီနယ်ချားလ်စ်ဘိုရန်ကုန်ကက်သလစ်ဂိုဏ်းချုပ်ဆရာတော်ကြီး
မိဘများပွဲနေ့

(၂၆) ရက် (ဇူလိုင်)လ(၂၀၁၅)ခုနှစ်

 

Comments